மலர்களின் போராட்டம்-கவிதை - மாயவரம் இதயராஜா

மலர்களின் போராட்டம்
__________________________


மல்லிகைப் பூக்களின்
மௌன ஊர்வலம்..

முல்லைப் பூக்களின்
முனுமுனுப்புச் சத்தங்கள்..

ரோஜா பூக்களின்
கொடியேந்திய போராட்டம்..

சாலைகளை முற்றுகையிட்டு
நீதிக் கேட்டு கூச்சலிடும்
கனகாமரப் பூக்களின் பிடிவாதம்..

சாமந்திப் பூக்களின் 
அவசரக் கூட்டத்தில் எழுந்த 
சர்ச்சைக்குறிய விவாதம்...

தீக்குளிக்க முற்படும்
அடுக்கு மல்லிகளின்
அதிரடி முடிவு..

அழுது புலம்பும்
டிசம்பர் பூக்கள்...

தீர்வு கிடைக்காவிட்டால்
நாடு தழுவிய போராட்டம்
நடத்தப் போவதாய்
மற்ற மலர்கள் விடுக்கும் 
எச்சரிக்கை..

மலர மறுக்கும் மொட்டுகள்..

மணம்வீச மறுக்கும் மலர்கள்..

உணவு தட்டுப்பாட்டில் 
வண்டினம்...

பூவலங்காரமில்லா 
பூவையர் கூந்தல்.. 

இவை அனைத்திற்கும் காரணம்
யார் தெரியுமா?

இனியவளே..
நீ தான்..
நீயே தான்..!

கண்ணெதிரே கனகாம்பரம்
பூத்திருக்க 
நீ ஏன் 
காகிதப் பூவைச் சூடுகிறாய்...?

இந்த மாமன் வீட்டு 
தோட்டம் முழுவதும்
மல்லிகைகள் மலர்ந்திருக்க
நீ ஏன் 
மணமில்லாப் பூவைத் தேடுகிறாய்?

இனியவளே...
மலர்களின் போராட்டம் 
முடிவுக்கு வரட்டும்

எடுத்து கீழே வீசிவிடு
உன் கூந்தலில் 
நீ சூடியிருக்கும் காகித மலர்களை..!

வீசிவிட்டு வா!

இந்த மாமன் வீட்டுக்கு வா!

உன் ஆசை தீர 
எவளவு வேண்டுமானாலும் பறி!

நுகர்ந்து பார்!

மூச்சு கொடு!

நெஞ்சோடு அள்ளி அனைத்துகொள்!

உனக்கு மட்டும் தடையில்லை..

அது
மல்லிகையாக இருந்தாலும் சரி!

இந்த 
மாமனாக இருந்தாலும் சரி!


•மாயவரம் இதயராஜா 
 (2006)

இந்த வலைப்பதிவில் உள்ள பிரபலமான இடுகைகள்

சுதந்திரம் | கவிதை | மாயவரம் இதயராஜா | மேலப்பெரும்பள்ளம்

படம்
சுதந்திரம் ________________ ஆட்சி செய்யும் யாவருக்கும் ஊழல் செய்யச் சுதந்திரம்... அதிகாரக் கரங்களுக்கு இலஞ்சம் வாங்கச் சுதந்திரம்..! சாதி மத வெறிபிடித்து சண்டை செய்யச் சுதந்திரம்! வெரட்டி வெரட்டி  ரோட்டில் வைத்து கொலைகள் செய்ய சுதந்திரம்! குழந்தைகளைக் கடத்திச் சென்று கற்பழிக்கச் சுதந்திரம்! தேசத்தை கூறுபோட்டு விற்பதற்கு சுதந்திரம்! கலவியில் கடவுள் தேடும் சாமியார்க்கு சுதந்திரம்! கல்வியை கடைவிரித்து காசு பார்க்கச் சுதந்திரம்! கற்பவர் வேலையின்றி அழுவதற்குச் சுதந்திரம்! காசுமுன் சட்டம் வளைந்து விழுவதற்கு சுதந்திரம்! வாழவே வழியில்லாத வறியவருக்கா  சுதந்திரம்? வரியினை விழுங்கி வாழும் முதலைகளுக்கே சுதந்திரம்! 16/08/2020 மாலை 6:30  மாயவரம் இதயராஜா மேலப்பெரும்பள்ளம்.
மேலும் படிக்கவும்

என்ன பயன் | கவிதை | கவிஞர் மாயவரம் இதயராஜா | மேலப்பெரும்பள்ளம் | மயிலாடுதுறை மாவட்டம்

படம்
உழைப்பவர் தெருவில் கையேந்த  அரசுகள் இருந்தும் என்ன பயன்? ஆமைகள் ஆளும் இந்நாட்டில் அடிமைகள் அழுதும் என்ன பயன்? வருபவன் எல்லாம் களவாணி ஆட்சிகள் மாறி என்ன பயன்? ஊழலே எல்லாம் என்றானால் உதைக்காமல் இருந்தும் என்ன பயன்...?
மேலும் படிக்கவும்

யாரடி நீ | காதல் கவிதை | கவிஞர் மாயவரம் இதயராஜா | மேலப்பெரும்பள்ளம் | மயிலாடுதுறை மாவட்டம்

படம்
யாரடி நீ?  __________________ யாரடி நீ...? ஒரே பார்வையில் உன்னைப்பற்றியே யோசிக்க வைக்கிறாய்... உயிரைக் கயிராக்கி ஊஞ்சல்கட்டி  விளையாடுகிறாய்... காதல் தீயை  பற்றவைத்துவிட்டு கடைக்கண்களால் என்னை கடைந்தெடுக்கிறாய்... யாரடி நீ! • தீவத்திலகையாய் வந்தென்னை காதல் தீவிற்குள் விட்டுச்செல்கிறாய்..  வாச்சாயனாரின் வார்த்தைகளைத் தேடிப் புரட்டச் செய்கிறாய்.. வள்ளுவனின் காமத்துப்பாலுக்கு மட்டும் விளக்கம் கேட்டு அலையச் செய்கிறாய்... யாரடி நீ? • ஒரு சொட்டுப்  புன்னகையை வீசி என் உயிரையே உடைத்துப் போடுகிறாய்... ஒரே ஒரு வார்த்தைக்காக என் வாழ்க்கையையே உன்னிடம் யாசிக்கச் செய்கிறாய்...  விடியலை விரட்டியடித்து என்  நீண்ட கனவுகளுக்குள் எதிர்காலக் கதையளக்கிறாய்.. யாரடி நீ? • என் இதயத்திற்கு இறகுகளைப் படைத்து உன்னைச் சுற்றியே பறக்கச் செய்கிறாய்... என் பகலையும்  இரவையும் சுருக்கி ஒரு கைப்பேசிக்குள் அடைத்துச் செல்கிறாய்... என் இலச்சிய மரத்தை பிடுங்கி வீசிவிட்டு அங்கு காதல்ச் செடியை நட்டுச் செல்கிறாய்... யாரடி நீ? • யாரும் பார்க்காத  இடம்சென்று தனிமையில் அழவைக...
மேலும் படிக்கவும்